ថ្ងៃទី១៥ ខែតុលា ឆ្នាំ២០១២ គឺជាថ្ងៃដែលប្រជាពលរដ្ឋខ្មែរទូទាំងប្រទេស ជួបទុក្ខសោកយ៉ាងធំធេងដែលបានបាត់បង់ព្រះមហាវីរក្សត្រដ៏ឆ្នើម ដោយព្រះអង្គមានយាងសោយទីវង្គតចាកចោលប្រជាពលរដ្ឋដែលជាកូន ចៅ ចៅទួត របស់ព្រះអង្គ ។ ថ្ងៃនេះជាថ្ងៃទី១៥ ខែតុលា ឆ្នាំ២០១៩ គឺជាថ្ងៃគំរប់ខួប៧ឆ្នាំ ដែលអតីតព្រះមហាវីរក្សត្រ ព្រះបាទ នរោត្ដម សីហនុ ព្រះវររាជបិតាជាតិខ្មែរ បានយាងចូលទីវង្គត់ សាលាខេត្តរតនគិរី ដឹកនាំដោយឯកឧត្តម ថង សាវុន អភិបាលនៃគណៈអភិបាលខេត្ត ដោយមានការចូលរួមពីឯកឧត្តម លោកជំទាវជាសមាជិកក្រុមប្រឹក្សាខេត្ត គណៈអភិបាលខេត្ត លោកលោកស្រី ប្រធាន អនុប្រធានមន្ទីរ អភិបាលស្រុកអភិបាលរងស្រុក ក្រុមប្រឹក្សាស្រុក កងកម្លាំងប្រដាប់អាវុធទាំងបីប្រភេទ មន្រ្តីរាជការ ព្រះសង្ឈ យុវជន កូនចៅ និងចៅទួត ទូទាំងខេត្តរតនគិរី បានរៀបចំគោរពព្រះវិញ្ញាណក្ខន្ត ព្រះបរមរតនកោដ្ឋ ព្រះបាទ សម្តេចព្រះ នរោត្ដម សីហនុ ព្រះវររាជ បិតាជាតិខ្មែរដែលមួយព្រះជន្ម ព្រះអង្គបានលះបង់កម្លាំងកាយចិត្ត ដើម្បីបុព្វហេតុជាតិមាតុភូមិ និងប្រជាពលរដ្ឋរបស់ព្រះអង្គ។ កូនចៅ ចៅទួតចងចាំជានិច្ចនូវស្នាព្រហត្ថដែលពុំអាចកាត់ថ្លៃបានរបស់ព្រះអង្គ។
