ព្រឹកថ្ងៃទី២៦ ខែកុម្ភៈ ឆ្នាំ២០២០ រដ្ឋបាលខេត្តរតនគិរី បានរៀបចំកិច្ចប្រជុំគណៈបញ្ជាការឯកភាពរបស់រដ្ឋបាលខេត្តរតនគិរី ដែលប្រារព្ធធ្វើឡើងនៅសាលប្រជុំសាលាខេត្តរតនគិរី។ កិច្ចប្រជុំបានធ្វើឡើងក្រោមការដឹកនាពីឯកឧត្តម ថង សាវុន ប្រធានគណៈបញ្ជាការឯកភាពខេត្ត និងជាអភិបាលខេត្ត និងមានការអញ្ជើញចូលរួមពីលោក លោកស្រីអភិបាលរងខេត្ត លោកមេបញ្ជាការ មេបញ្ជាការរងកងកម្លាំងប្រដាប់អាវុធទាំងបីប្រភេទថ្នាក់ខេត្ត ស្ថាប័នតុលាការ អភិបាលក្រុង ស្រុក កងកម្លាំងប្រដាប់អាវុធទាំងបីប្រភេទថ្នាក់ក្រុង ស្រុក ប្រធានមន្ទីរ អង្គភាព ពាក់ព័ន្ធក្នុងខេត្ត។
![](https://asset.cambodia.gov.kh/provincial/sites/16/2020/02/0B3EC173-DA14-44E9-AEBE-06356E812823-scaled.jpeg)
កិច្ចប្រជុំនេះធ្វើឡើងក្នុងគោលបំណងដើម្បីពិនិត្យ និងវាយតម្លៃលើសភាពការណ៍សន្តិសុខសណ្តាប់ធ្នាប់សង្គមនៅក្នុងខេត្ត ផ្សព្វផ្សាយសភាពការណ៍វិវឌ្ឍន៍ថ្មីៗទាំងសភាពការជាតិ និងអន្តរជាតិ ពង្រឹងលើកកម្ពស់ការអនុវត្តច្បាប់ បទបញ្ជារាជរដ្ឋាភិបាល សន្តិសុខសណ្តាប់ធ្នាប់សាធារណៈ សំដៅលើកកម្ពស់ការថែរក្សាសន្តិសុខសណ្តាប់ធ្នាប់សង្គម ទប់ស្កាត់បទល្មើស និងបាតុភាពនានានៅក្នុងភូមិសាស្ត្រខេត្ត និងណែនាំអំពីវិធានការបង្កា ទប់ស្កាត់ករណីភ្លើងឆេះព្រៃ ការត្រៀមបង្កា និងឆ្លើយតបករណីមានគ្រោះរាំងស្ងួតនារដូវប្រាំងខាងមុខ ព្រមទាំងការត្រៀមរៀបចំពិធីបុណ្យជាតិ អន្តរជាតិនានា។
![](https://asset.cambodia.gov.kh/provincial/sites/16/2020/02/9246B00C-98AA-4949-A393-AA547C35BAEE-scaled.jpeg)
![](https://asset.cambodia.gov.kh/provincial/sites/16/2020/02/8750C889-500B-46E1-81DD-FB0BDD642F3B-scaled.jpeg)
![](https://asset.cambodia.gov.kh/provincial/sites/16/2020/02/6D5238A6-2CB7-4DCD-94F5-DBE7FFDCEF81.jpeg)
![](https://asset.cambodia.gov.kh/provincial/sites/16/2020/02/4B002BC7-5FF6-4C83-9627-D74AE82C8A23.jpeg)
![](https://asset.cambodia.gov.kh/provincial/sites/16/2020/02/E85EF1A9-9D82-4D28-82D2-C04E70885B1A.jpeg)
![](https://asset.cambodia.gov.kh/provincial/sites/16/2020/02/244B76CB-DDAF-4A9D-8F66-BC6C9CC47261-1-scaled.jpeg)