នៅព្រឹកថ្ងៃទី១៨ ខែមករា ឆ្នាំ២០២១ លេខាធិការដ្ឋាននៃគណៈកម្មាធិការគ្រប់គ្រងគ្រោះមហន្តរាយខេត្ត ក្រោមកិច្ចគាំទ្របច្ចេកទេសពីគណៈកម្មាធិការជាតិគ្រប់គ្រងគ្រោះមហន្តរាយ និងអង្គការកម្មវិធីស្បៀងអាហារពិភពលោក បានរៀបចំវគ្គបណ្តុះបណ្តាលរំលឹកឡើងវិញលើការគ្រប់គ្រង និ​ង​​​ប្រើ​​​ប្រាស់ប្រព័ន្ធព័ត៌មានទាន់ហេតុការណ៍(PRISM) ដែលបានប្រព្រឹត្តទៅនៅសាលប្រជុំសាលាខេត្ត ដោយមានការអញ្ជើញជាអធិបតីភាពពីឯកឧត្តម លន់ សុភាព អភិបាលរងនៃគណៈអភិបាលខេត្ត និងជាប្រធានលេខាធិការដ្ឋាននៃគណៈកម្មាធិការគ្រប់គ្រងគ្រោះមហន្តរាយខេត្ត និងមានការចូលរួមពីមន្ត្រីបង្គោលនៃគណៈកម្មាធិការគ្រប់គ្រងគ្រោះមហន្តរាយក្រុង ស្រុក ទាំង០៩ទូទាំងខេត្តផងដែរ។    វគ្គបណ្តុះបណ្តាលនេះមានគោលបំណងរំលឹកឡើងវិញប្រព័ន្ធព្រីស្ស៊ឹម ១.០ និងផ្តល់ឱកាសដល់សិក្ខាកាមចែករំលែកបទពិសោធន៍នៃការប្រើប្រាស់ប្រព័ន្ធព្រីស្ស៊ឹម និងបញ្ហាប្រឈមនានា។