ព្រឹកថ្ងៃទី១៥ ខែមិថុនា ឆ្នាំ២០២២ ឯកឧត្តម គិត ទ្រី អភិបាលរងនៃគណៈអភិបាលខេត្តរតនគិរី តំណាងឯកឧត្តមអភិបាលខេត្ត បានអញ្ជើញជាអធិបតីភាពក្នុងពិធីបើកសន្និបាតបូកសរុបការងារអប់រំ យុវជន និងកីឡា ឆ្នាំសិក្សា២០២០-២០២១ និងទិសដៅឆ្នាំសិក្សា ២០២១-២០២២ សម្រាប់ខេត្តរតនគិរី។ ពិធីនេះធ្វើឡើងនៅសាលប្រជុំសាលាខេត្ត ដោយមានការចូលរួមពីអាជ្ញាធរ និងអង្គពាក់ព័ន្ធនៃវិស័យអប់រំជាច្រើននាក់ និងប្រព្រឹត្តទៅមានរយៈពេល១ថ្ងៃកន្លះ គឺនៅថ្ងៃទី១៥ និងប្រារព្ធពិធីបិទនាព្រឹកថ្ងៃទី១៦ ខែមិថុនា ឆ្នាំ២០២២ ក្រោមអធិបតីភាពដ៏ខ្ពង់ខ្ពស់ឯកឧត្តមអភិបាលខេត្តរតនគិរី។